Leiðtogar ESB:Hermann-hvert ertu að fara sagði Mario-veiztu ekki hvað er að gerast hér?
Erum við hin í gíslingu spurði Helle Thorning-Schmidt
Það er gagnlegt fyrir þjóð, sem hefur sótt um aðild að Evrópusambandinu að átta sig á hvernig kaupin gerast á eyrinni þar innan dyra.
Í gærköldi um kl. 19.00 ætlaði Herman Van Rompuy, forseti ráðherraráðs ESB að ljúka fyrsta áfanga fundar leiðtoga ESB-ríkjanna, sem hófst í Brussel um hádegisbil í gær og tilkynna um hagvaxtarsamning á blaðamannafundi. Þá reis Mario Monti upp og spurði hvert hann væri að fara. Hvort Rompuy hefði kannski ekki skilið hvað um væri að ræða. Ítalski forsætisráðherrann kvaðst ekki fara frá Brussel nema hann hefði í höndunum skilgreindar aðgerðir til þess að draga úr lántökukostnaði Ítalíu. Hann mundi ekki samþykkja hagvaxtarsamninginn nema það mál væri afgreitt. Þá stóð upp Mariano Rajoy, forsætisráðherra Spánar og sagði að hann mundi heldur ekki gera það.
Helle Thorning-Schmidt, forsætisráðherra Dana spurði þá hvort aðrir fundarmenn væru gíslar. Van Rompuy sat og hreyfði sig ekki. Upp úr kl. 22.00 í gærkvöldi gerði hann sig líklegan til að standa upp. Merkel hvatti hann til að tilkynna um hagvaxtarsamninginn. Hollande sagði hins vegar að hann ætti að segja sannleikann.
Um kl. 22.30 hitti Van Rompouy blaðamenn að máli. Hann sagði málið í biðstöðu. Í prinsippinu væri ekki andstaða við hagvaxtarsamninginn en tvö aðildarríkjanna væru ekki tilbúin til að fallast á hann enn sem komið væri.
Eftir miðnætti var málið óleyst. Þá hurfu þeir fulltrúar, sem ekki voru frá evruríkjum af fundi. Hinir urðu eftir. Þjóðverjar héldu fast við sína afstöðu.
Nokkrum klukkustundum síðar gaf Merkel eftir. Monti sagðist ekki mundi senda beiðni um neyðaraðstoð. Hann vildi bara senda merki til markaða. Fundinum lauk kl. 04.20 í nótt. Tíu mínútum síðar hittu Van Rompuy og Barroso blaðamenn að máli og sögðu að samkomulag hefði náðst.
Frá þessu segir Der Spiegel.
SG
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- StjórnmálavaktinVG: Katrín þakkar og lýsir árangri en gleymir að skýra úrslit þingkosninganna á
- Í pottinumÓlundarlegir fráfarandi ráðherrar
- FréttStokkhólmur: Kveikt í 340 bílum,veitingahúsi og lögreglustöð-ólæti fjóra daga í röð-Svíar í „sjokki“
- FréttOsló: Norsk stjórnvöld töldu aðild Íslands að ESB aldrei líklega - vænta aukins samstarfs til að styrkja stöðuna innan EES
- FréttFramkvæmdastjórn ESB rann á rassinn í stóra ólívuolíumálinu
- ViðskiptavaktinLandbúnaðurinn hefur gagnsókn á hendur verzluninni
- Í pottinumNú þarf að moka flórinn, sem aðildarumsóknin skilur eftir
- LeiðariESB-viðræður stöðvaðar - hver leggur til að þeim verði fram haldið?
- FréttNoregur: Enginn sótti um embætti hæstaréttardómara
- StjórnmálavaktinSumarfríin verða að bíða til næsta árs!
VG: Katrín þakkar og lýsir árangri en gleymir að skýra úrslit þingkosninganna á
Katrín Jakobsdóttir, formaður VG, sendi félögum sínum í flokknum þakkarkveðju í tilefni stjórnarskiptanna fimmtudaginn 23. maí. Þar sagði hún ljóst að árangur ríkisstjórnar Vinstri-grænna og Samfylkingar hefði verið „mikill“. Fyrst og fremst hefði náðst „gríðarlegur árangur í ríkisfjármálum án þess ...
Sumarfríin verða að bíða til næsta árs!
Viðbrögð við nýrri ríkisstjórn Framsóknarflokks og Sjálfstæðisflokks hafa yfirleitt verið jákvæð og forystumenn stjórnarandstöðunnar hafa sýnt hófsemd í ummælum sínum, sem er skynsamlegt hjá þeim. Segja má, að einu hnökrarnir, sem upp hafa komið snúi að umverfisráðuneytinu. Ráðstafanir varðandi það hafa vakið tortryggni.
Ný ríkisstjórn fær mikinn meðbyr í upphafi
Fólkið í landinu bindur miklar vonir við nýja ríkisstjórn og ekki er ólíklegt að stjórnarsáttmáli stjórnarflokkanna tveggja muni ýta undir þær vonir. Það er þess vegna ástæða til að ætla að nýr kraftur færist í þjóðlífið á næstu vikum. Fráfarandi ríkisstjórn hefur á seinni hluta kjörtímabils hennar verið eins og þungt farg á þjóðinni.
Hrói Höttur lifir góðu lífi og nú sem eins konar tákn baráttu hins almenna borgara við alþjóðlega fjármálamarkaði.