Boris Johnson skorar Cameron á hólm með stuðningi Murdochs
David Cameron er kominn vel á veg með að tapa næstu þingkosningum í Bretlandi og þar með leiðtogastöðu Íhaldsflokksins og hann veit það. Með þessum orðum hefst grein, sem birtist í Daily Telegraph í fyrradag, þriðjudag, eftir Benedict Brogan, aðstoðarritstjóra blaðsins. Daily Telegraph er það dagblað í Bretlandi, sem áratugum saman hefur verið talið lýsa bezt því, sem er að gerast í innsta kjarna Íhaldsflokksins og þess vegna er ekki hægt annað en taka mark á slíkri grein. Höfundur segir að Cameron hafi viðurkennt þessa stöðu í samtölum við vini sína í sumar og leiti nú leiða út úr þessum vanda.
Á sama tíma gengur nýr áskorandi fram á völlinn og notar Olympíuleikana í London til að undirstrika stöðu sína. Það er Boris Johnson, borgarstjóri Lundúna. Brogan segir að skoðanir innan brezka stjórnkerfisins skiptist í tvennt. Sumir segi að Johnson verði ekki stöðvaður, aðrir að það sé hlægilegt að tala um hann í þessu samhengi.
Eitt af því sem Boris Johnson hefur gert er að bjóða Rupert Murdoch og konu hans Wendy Deng á Olympíuleikana. Benedict Brogan heldur því fram að hann hafi rætt við Murdoch um að hann styðji sig til að ná kjöri, sem leiðtogi Íhaldsflokksins og jafnframt að talið sé að Murdoch vilji losna við Cameron. Alla vega sé eftir því tekið hvað The Sun (sem er í eigu Murdochs) sé hrifið af Johnson en tali af mikilli vanþóknun um bæði Cameron og Osborne, fjármálaráðherra.
Hingað til hefur Osborne verið talinn líklegur eftirmaður Camerons en nú er talið að hann hafi fyrirgert þeim möguleikum og reyndar rætt um það í Bretlandi að Cameron verði að skáka honum yfir í annað ráðuneyti og setja nýjan mann í stól fjármálaráðherra.
Í annarri grein í Telegraph segir, að grein Brogans hafi vakið grunsemdir í hópi Camerons um að blaðið sé aðili að samsæri um að losna við Cameron, sem sé eins konar annar Ted Heath, hafi byrjað vel en borið af leið, yfirgefið grundvallarstefnu Íhaldsflokksins og lagt lag sitt við Frjálslynda demókrata.
SG
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- FréttNý ríkisstjórn gerir hlé á aðildarviðræðum- nýjar viðræður ekki án þjóðaratkvæðagreiðslu
- StjórnmálavaktinUm Hróa Hött okkar tíma
- Í pottinumHin „strategíska“ spurning sem VG stendur frammi fyrir
- LeiðariTímamót
- FréttÍtalía: Milljónir hafa ekki efni á að hita heimili sín eða borða kjöt
- FréttStokkhólmur: Kveikt í bílum-íkveikjur í níu borgarhverfum-vandamál tengd innflytjendum
- StjórnmálavaktinNý ríkisstjórn fær mikinn meðbyr í upphafi
- Í pottinumHver verða viðbrögð fráfarandi stjórnarflokka?-Hafa þeir allt á hornum sér?
- ViðskiptavaktinNýr Englandsbankastjóri: Evrópa stendur frammi fyrir stöðnun í áratug að óbreyttu
- FréttEvróvisjón: Utanríkisráðherrar Rússlands og Azerbajdsan hinir verstu yfir týndum atkvæðum til stuðnings Rússum
Ný ríkisstjórn fær mikinn meðbyr í upphafi
Fólkið í landinu bindur miklar vonir við nýja ríkisstjórn og ekki er ólíklegt að stjórnarsáttmáli stjórnarflokkanna tveggja muni ýta undir þær vonir. Það er þess vegna ástæða til að ætla að nýr kraftur færist í þjóðlífið á næstu vikum. Fráfarandi ríkisstjórn hefur á seinni hluta kjörtímabils hennar verið eins og þungt farg á þjóðinni.
Hrói Höttur lifir góðu lífi og nú sem eins konar tákn baráttu hins almenna borgara við alþjóðlega fjármálamarkaði.
Kosningar meðal Sama í Svíþjóð-réttur hreindýrahjarða eitt helzta kosningamálið
Í gær fóru fram í Svíþjóð kosningar til þings Sama, sem kemur fram fyrir hönd Sama í Svíþjóð. Slíkar kosningar fara fram á fjögurra ára fresti. Evrópuvaktin hefur ekki upplýsingar um hvort úrslit kosninganna liggja fyrir eða hver þau urðu. Hins vegar fjallar vefmiðillinn Alska Dispatch um þau málefni, sem brenna á Sömum í Svíþjóð um þessar mundir. Níu flokkar buðu fram í kosningunum.
Aðhaldsstefnan vekur upp siðferðilegar spurningar ekki síður en efnahagslegar
Siðferðileg álitamál verða æ ríkari þáttur í opinberum umræðum í Evrópu um evrukreppuna og afleiðingar hennar, svo sem aðhaldspólitíkina, sem Þjóðverjar hafa verið í forystu fyrir en verður stöðugt umdeildari. Reuters birtir nú í sérstökum skoðanadálki grein eftir mann að nafni Nicholas Wapshott, sem er einn af æðstu ráðamönnum Times í London.