Lene Espersen talin segja ósatt um Kabúl-ferð
Tveir fyrrverandi danskir utanríkisráðherrar draga í efa, að Lene Espersen, núverandi utanríkisráðherra Danmerkur, segi rétt frá, þegar hún fullyrðir, að embættismenn í ráðuneyti hennar hafi ákveðið, að leigja einkaþotu til að fljúga með ráðherrann til Kabúl 20. júlí í stað þess að fara með þotu á vegum danska hersins. Þar sem Espersen var í einkaþotu en ekki hervél, fékk hún ekki að lenda í Kabúl, varð hún að „nauðlenda“ í Kasakhstan og komst aldrei þaðan á utanríkisráðherrafundinn í Kabúl, sneri heim og hélt áfram í sumarleyfi með fjölskyldu sinni á Ítalíu.
Mogens Lykketoft, jafnaðarmaður, og Niels Helveg Pedersen, úr radikale venstre, sem báðir hafa gegnt embætti utanríkisráðherra telja óhugsandi, að embættismenn í utanríkisráðuneytinu hafi ekki haft Espersen með í ráðum, þegar ákveðið var með hvernig vél yrði flogið með hana á hinn mikilvæga utanríkisráðherrafund í Kabúl.
Þetta kemur fram í Ekstra Bladet í Kaupmannahöfn 1. ágúst. Þar birtist einnig grein eftir Hans Engell, fyrrverandi formann danska Íhaldsflokksins, en þar er Espersen formaður nú. Engell trúir ekki heldur þeim skýringum Espersen, að hún hafi ekki verið með í ráðum hann segir:
„Það er einfaldlega óhugsandi. Utanríkisráðuneytið er ekki stærra en svo, að undir ráðherrann er borið, þegar lagt er á ráðin um ferðalag til jafn ömurlegs staðar og Kabúl.“
Lene Espersen sætir mikilli gagnrýni í Danmörku fyrir að sinna ekki embættisskyldum sínum sem utanríkisráðherra með því að taka ekki þátt í alþjóðlegum fundum og kjósa frekar að vera í fríi með fjölskyldu sinni. Hafa vinsældir hennar snarfallið í skoðanakönnunum, en á sínum tíma var hún í hópi vinsælustu stjórnmálamanna í Danmörku. Þá hefur fylgi Íhaldsflokksins einnig dalað, frá því hún tók við formennsku í flokknum í byrjun ársins og varð utanríkisráðherra.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumEasy-Jet fækkar ferðum London-Moskva um helming
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.