ESB-bæklingur: „orðið samninga­viðræður getur verið villandi“

ESB-reglur eru ekki umsemjanlegar

„Í fyrsta lagi er mikilvægt að undirstrika, að orðið “samningaviðræður„ (negotiation) getur verið villandi. Samningaviðræður snúast um skilyrði og tímasetningu upptöku, framkvæmd og hagnýtingu ESB-reglna – um 90 þúsund síðna af þeim. Þessar reglur (einnig þekktar sem “acquis„ franskt orð yfir það, sem hefur verið samþykkt)eru ekki umsemjanlegar.

Fyrir umsóknarríki snýst þetta fyrst og fremst um að samþykkja hvernig og hvenær það tekur upp og framkvæmir ESB-reglur og aðferðafræði. Fyrir ESB er mikilvægt að fá tryggingu fyrir dagsetningu og árangursríkri framkvæmd umsóknarríkis á þessum reglum.“

Þannig er aðlögunarviðræðum að Evrópusambandinu lýst (í lauslegri þýðingu) í kynningarbæklingi þess sjálfs, sem nefnist : Understanding Enlargement. The European Union´s enlargement policy, sem Olli Rehn skrifar formála fyrir.

Til þess að ekkert fari á milli mála er textinn, sem hér er vitnað til birtur á ensku en hann er svohljóðandi á því tungumáli:

„First, it is important to underline that the term “negotiation„ can be misleading. Accession negotiations focus on the conditions and timing af the candidate´s adoption, implementation and application of EU rules – some 90,000 pages of them.

And these rules ( also known as „acquis“, French for „that which has been agreed“) are not negotiable. For candidates it is essentially a matter of agreeing how and when to adopt and implement EU rules and procedures. For the EU it is important to obtain guarantees on the date and effectiveness of each candidate´s implementation of the rules.“