Fréttablaðið: 64,2% vilja ljúka aðildarviðræðum-35,2% draga umsóknina til baka
Fréttablaðið segir frá því í morgun, að „ 64,2% þeirra sem afstöðu tóku vilji ljúka aðildarviðræðum við Evrópusambandið og halda þjóðaratkvæðagreiðslu um aðildarsamninga frekar en að draga umsóknina til baka. Um 35,8 prósent voru þeirrar skoðunar að frekar ætti að draga umsóknina til baka“, svo að vitnað sé í frásögn Vísis.is af könnun Fréttablaðsins.
Í frétt netmiðilisins kemur fram, að um 83,8% stuðningsmanna Samfylkingar vilji ljúka aðildarviðræðum en 16,2% þeirra vilja draga umsóknina til baka.
Í hópi stuðningsmanna VG vilja 63,6% ljúka viðræðum en 36,4% draga umsóknina til baka.
Meðal stuðningsmanna Sjálfstæðisflokks vilja 53,6% draga umsóknina til baka en 46,4% vilja ljúka aðildarviðræðum.
Í hópi stuðningsmanna Framsóknarflokks vilja 52,2% draga umsóknina til baka en 47,8% ljúka viðræðum.
Hringt var í 800 manns sl. fimmtudag. Spurningin var svona:
Hvort mundir þú heldur kjósa:
1)Að draga til baka umsóknina um aðild að Evrópusambandinu eða
2)Að ljúka aðildarviðræðum við Evrópusambandið og halda þjóðaratkvæðagreiðslu um aðildarsamninginn?
Vísir.is segir að 88,9% hafi tekið afstöðu til spurningarinnar.
Hinn 14. júní sl. birti Evrópuvaktin niðurstöðu skoðanakönnunar MMR fyrir Andríki.is þar sem fram kom, að 57,9% þjóðarinnar voru fylgjandi því að aðildarumsóknin yrði dregin til baka en tæplega 25% voru því andvíg. Þá var spurningin þessi:
Hversu fylgjandi eða andvíg(ur) ertu því, að íslenzk stjórnvöld dragi umsókn um aðild að Evrópusambandinu til baka?
Þá svöruðu 846 einstaklingar og tóku 761 afstöðu.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumEasy-Jet fækkar ferðum London-Moskva um helming
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.