Norsku Evrópusamtökin skorast undan umræðum um ESB-aðild - Íslendingar gætu breytt stöðunni
Forystumenn Evrópusamtakanna í Noregi vilja fresta umræðum aðild Noregs að ESB. Í grein sem Paal Frisvold formaður og Trygve G. Nordby framkvæmdastjóri samtakanna skrifa í norska blaðið Aftenposten 15. júni segja þeir að að það gagnist ekki ESB-málstaðnum að hefja aðildarumræður í Noregi við núverandi aðstæður. Nordby telur aðstæður kunna að breytast gangi Íslendingar í ESB eða Svíar taki upp evru.
Á vefsíðunni ABCnyheter er vakin athygli á því að í mars á þessu ári vildi Nordby framkvæmdastjóri að tafarlaust yrði efnt til þjóðaratkvæðagreiðslu um aðild í Noregi. Þá taldi Frisvold slíka atkvæðagreiðslu óráðlega. Nú séu þeir sammála um að skjóta umræðum ESB-aðild á frest. Mánudaginn 13. júní birtist skoðanakönnun í norska blaðinu Nationen sem sýndi að 66,2% Norðmanna eru á móti ESB-aðild.
ABCnyheter spyr Nordby hvort ekki sé unnt að líta þannig á að Evrópusamtökin séu komin í vörn með því að vilja fresta ESB-umræðum eftir að hafa árum saman kvartað undan því að stjórnmálaflokkarnir setji aðildina á dagskrá.
Nordby segir að víst vilji þeir aðildarumræður en bara ekki núna. Það sér óskynsamlegt að hvetja til slíkra umræðna núna þegar norska ríkisstjórnin vilji ekki setja málið á dagskrá. Strax og eitthvað breytist séu þeir til í slaginn.
Með þessu vísar Nordby til þess að bæði núverandi ríkisstjórn Noregs og fyrri ríkisstjórnir höfðu „sjálfsmorðsákvæði“ í stjórnarsáttmála sínum, það er að ríkisstjórnarsamstarfið sé úr sögunni ef einhver stjórnarflokkanna hefur baráttu fyrir ESB-aðild.
ABCnyheter spyr: Munu Evrópusamtökin bíða með ESB-umræður þar til ríkisstjórn án sjálfsmorðsákvæðis kemur til sögunnar?
Nordby svarar:
„Það getur vel verið að eitthvað gerist í nágrenni okkar eins og Svíar taki upp evru eða Íslendingar gangi í ESB sem veldur því að afstaða almennings breytist. Þá verður almenningsálitið að breytast á svo skýran hátt að hindrunin innan ríkisstjórnarinnar hverfi,“ segir Nordby. Hann hefur sagt upp störfum fyrir Evrópusamtökin af því að honum leiðist að berjast fyrir málstað sem enginn vill ræða.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumEasy-Jet fækkar ferðum London-Moskva um helming
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.