Finnar vinna nú markvisst að því að ná kjöri til Öryggisráðs Sameinuðu þjóðanna á árinu 2013. Tarja Halonen, forseti Finnlands, segir í samtali við Helsingin Sanomat, að hún telji horfurnar góðar. Tvennt getur valdið Finnum erfiðleikum að sögn blaðsins. Í fyrsta lagi krafa Finna um tryggingar frá Grikklandi vegna þátttöku í lánveitingum til þeirra og í öðru lagi andstaða þeirra við stækkun Schengen. Halonen telur þó að fyrra atriðið geti haft áhrif í báðar áttir.
Einn helzti keppinautur Finnlands er Ástralía, en Kevin Rudd, utanríkisráðherra Ástralíu hefur ferðast til 43 landa á 8 mánuðum til þess að afla þjóð sinni fylgis.
Erkki Tuomioja, utanríkisráðherra Finnlands segir, að Finnar hafi fengið fjölda skriflegra loforða um stuðning. Sum þeirra byggjast á því að Finnar styðji viðkomandi ríki í öðrum atkvæðagreiðslum. Þó bendir Helsingin Sanomat á að fyrirvara verði að hafa á slíkum loforðum, þar sem atkvæðagreiðslan sé leynileg.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.