Finnar setja strik í ákvörðun leiðtoga evru-ríkjanna - segjast ekki samþykkja að nota björgunarsjóð til að kaupa ríkisskuldabréf
Finnar hafa gert athugasemd við eina af lykilniðurstöðum leiðtogafundar ESB í síðustu viku (28. og 29. júní), það er þá ákvörðun að auka svigrúm björgunarsjóða til að kaupa skuldabréf. Finnska ríkisstjórnin segir að hún njóti stuðnings Hollendinga við að koma í veg fyrir að nota megi varanlega björgunarsjóðinn, ESM, til að kaupa skuldabréf á mörkuðum.
Leiðtogar evru-ríkjanna 17 létu undan þrýstingi frá Ítölum og Spánverjum og rýmkuðu heimildir fyrir sjóðinn til að kaupa ríkisskuldabréf. Stjórnlagadómstóll Þýskalands kannar hvort aðild Þjóðverja að ESM-sjóðnum standist þýsku stjórnarskrá.
Ætlunin var að ESM-sjóðurinn tæki til starfa 1. júlí 2012. Með því að skjóta þýskum lögum til stjórnlagadómstólsins hefur gildistaka samþykkta um sjóðinn frestast.
Í yfirlýsingu finnsku ríkisstjórnarinnar segir að sögn AFP-fréttastofunnar að í framtíðinni sé einróma samþykki nauðsynlegt til að sjóðurinn geti keypt skuldabréf og svo virðist sem ekki verði um það að ræða vegna andstöðu Finna og Hollendinga.
Ætlunin er að nota bráðabirgða-björgunarsjóð evrunnar (EFSF) þar til ESM tekur til starfa. Fé úr honum verði notað til að kaupa ríkisskuldabréf og endurfjármagna spænska banka. Talið er að enn séu 250 milljarðar evra í sjóðnum.
Á síðasta ári töfðu Finnar seinni neyðarlánasamning við Grikki þar sem þeir kröfðust sérstaks veðs fyrir skuldbindingu sína í nafni EFSF-sjóðsins.
Í samþykkt leiðtogafundarins frá því í síðustu viku er ekki greint nákvæmlega frá því hvernig staðið verði að því að kaupa ríkisskuldabréf á evru-svæðinu. Til þessa hefur Seðlabanki Evrópu staðið að slíkum kaupum á mörkuðum og hefur verið deilt um það inngrip bankans.
Í samþykkt leiðtogafundarins segir að evru-ríkin skuldbindi sig til að gera það sem er nauðsynlegt til að tryggja fjármálalegan stöðugleika á evru-svæðinu, sérstaklega með því að nota ESFS/ESM sjóðina á sveigjanlegan og árangursríkan hátt. Þá segir að Seðlabanki Evrópu hafi tekið að sér að koma fram fyrir hönd EFSF/ESM á mörkuðum á markvissan og árangursríkan hátt.
Heimild: BBC
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumEasy-Jet fækkar ferðum London-Moskva um helming
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.