Tekjuhæstu Frakkar búa sig undir að flýja undan 75% skatti Hollandes
Tekjuhæstu Frakkar undirbúa að flytja í annað land ef François Hollande Frakklandsforseti hrindir skattahækkunaráformum sínum í framkvæmd. Á lögmannsstofu í París hafa menn ekki við að svara spurningum auðugra kaupsýslumanna sem leita ráða um hvort þeir eigi að flytja lögheimili sitt annað láti forsetinn verða af því að hækka tekjuskatt í 75% á þá sem eru með meira en eina milljón evra í árstekjur.
Vincent Grandil, einn eigenda Altexis lögmannsstofunnar, sagði við The New York Times: „Við fáum mikið af símhringingum frá tekjuháu fólki sem spyr hvort það eigi að yfirgefa Frakkland. Jafnvel ungt, dugmikið fólk sem hefur um 200.000 evrur í tekjur veltir fyrir sér hvort það eigi að vera áfram í landi þar sem það er illa séð að menn græði peninga.“
Hollande er fyrsti sósíalistinn sem hlýtur kjör sem forseti Frakklands frá því að François Mitterrand var kjörinn á níunda áratugnum. Franska þingið tekur í september afstöðu til tillögu Hollandes um 75% skattinn sem hann vill innleiða til að „koma fótunum að nýju undir efnahag þjóðarinnar“.
Í ár er talið að halli á ríkissjóði Frakklands verði 4,5%, Hollande hefur heitið því að ná honum niður í 3% af vergri landsframleiðslu á árinu 2013.
Nýi skatturinn snertir um 30.000 launþega af 65 milljónum manna sem búa í Frakklandi.
Í viðtalinu við The New York Times sagði Grandil: „Frakkar vita ekki alveg hvernig þeir eiga að haga sér gagnvart peningum. Takist einhverjum hér að komast í álnir, skapa störf og verða milljónamæringur er hann grunaður um græsku. Þetta er hinn mikli menningarlegi munur milli Frakka og Bandaríkjamanna.“
Hann sagði að mörg fyrirtæki veltu fyrir sér að flytja hálaunaða stjórnendur frá Frakklandi til að komast hjá skattinum.
Hvort til þessa kemur verður betur ljóst síðar en frægt, ríkt fólk á borð Laetetiu Casta, módel hjá Victoria Secret, Alain Ducasse veitingamaður og Johnny Hallyday söngvari hafa þegar flutt frá Frakklandi.
Nú mæla hagvísar okkur það að atvinnuleysi fari vaxandi og jafnframt að verðbólgan færist í aukana. Það er rétt að atvinnuleysið er að aukast og er það í takt við aðra hagvísa um minnkandi einkaneyslu, slaka í fjárfestingum og fleira. Það er hinsvegar rangt að verðbólgan sé að vaxa.
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumEasy-Jet fækkar ferðum London-Moskva um helming
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.