Samaras: Grikkland líkist Weimar-lýðveldinu - jákvæður tónn en engin niðurstaða við þríeykið - ríkissjóður að tæmast
Antonis Samaras, forsætisráðherra Grikkja, segir að atvinnuleysi magnist stöðugt í landi sínu og ástandið minni á lokadaga Weimar-lýðveldisins í Þýskalandi. Viðræður Gríkkja og þríeykisins halda áfram í næstu viku. Christine Lagarde hjá AGS segir miða í rætt átt í viðræðunum. Angela Merkel ætlar að sýna Grikkjum samstöðu með heimsókn til Aþenu í næstu viku.
„Við munum halda áfram í næstu viku,“ sagði Yannis Stournaras, fjármálaráðherra Grikklands, eftir fund með Antonis Samaras forsætisráðherra laugardaginn 6. október en ráðherrarnir hittust til að bera saman bækur sínar eftir fundi Stournaras og embættismanna hans með fulltrúum þríeykisins (ESB, Seðlabanka Evrópu (SE) og Alþjóðagjaldeyrissjóðsins (AGS)) um aðhaldsaðgerðir Gríkkja og skuldbindingar þeirra gagnvart erlendum lánardrottnum.
Fjármálaráðherrann staðfesti að loknum fundi sínum með fulltrúum þríeykisins laugardaginn 6. október að enn bæri nokkuð í milli í viðræðunum og menn væru ekki sammála um gildi einstakra þátta í nærri 13,5 milljarða sparnaðaráformum grískra stjórnvalda á árunum 2013 og 2014.
Christine Lagarde, forstjóri ASG, sagði laugardaginn 6. október að viðræðunum við Grikki hefði miðað í rétta átt. Lagarde tók þátt í blaðamannafundi eftir að hafa hitt fulltrúa sex olíuríkja í Samvinnuráði Persaflóaríkja og lét þar jákvæð orð falla um viðræðurnar við Grikki. Þær hefðu verið „mjög góðar og skilað miklu“.
Fjármálaráðherrar evru-ríkjanna koma saman mánudaginn 8. október í Lúxemborg og taka þar þátt í hátíðlegri athöfn í tilefni af fyrsta formlega fundi stjórnarráðs varanlega björgunarsjóðs evrunnar (European Stability Mechanism (ESM)) sem kemur í stað bráðabirgðasjóðsins, European Financial Stability Facility (EFSF).
Í samtali við þýska viðskiptablaðið Handelsblatt föstudaginn 5. október sagði Antonis Samaras að ástandið í grísku þjóðlífi tæki helst að líkjast því sem var í Þýskalandi á dögum Weimar-lýðveldisins. Þá ríkti atvinnuleysi og óðaverðbólga undir veikri ríkisstjórn og gat þjóðfélagsástandið af sér Adolf Hitler og harðstjórn hans.
Samaras sagði að gríska ríkisstjórnin hefði náð þeim mörkum að hún gæti varla krafist meira af þjóðinni.:
„Við höfum þegar rist inn að beini. Þetta snýst um samheldni þjóðfélagsins sem er ógnað af vaxandi atvinnuleysi eins og við endalok Weimar-lýðveldisins í Þýskalandi.“
Semji gríska ríkisstjórnin ekki við þríeykið fær hún ekki 31,5 milljarða evra sem er lokagreiðsla seinna neyðarlánsins til Gríkkja. Greiðslan hefur tafist mánuðum saman vegna krafna um skýrari og strangari aðhaldsaðgerðir.
Samaras segir að í ríkissjóði Gríkkja séu nú fjármunir sem endist ef til vill út nóvember. Eftir það verði sjóðurinn tómur.
Angela Merkel Þýskalandskanslari heimsækir Grikkland í næstu viku, í fyrsta sinn síðan evru-kreppan tók að herja á þjóðina. Tilgangur heimsóknarinnar er að sýna Grikkjum samstöðu í erfiðleikum þeirra.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumEasy-Jet fækkar ferðum London-Moskva um helming
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.