Spánn: Ríkisstjórnin stefnir héraðsstjórn Katalóníu fyrir stjórnlagadómstól
Ríkislögmaður Spánar lagði föstudaginn 8. mars fram stefnu á hendur héraðsstjórn Katalóníu í stjórnlagadómstóli Spánar þar sem þess er krafist að yfirlýsing héraðsþings Katalóníu frá janúar 2013 um sjálfstæði Katalóníu verði felld úr gildi.
Spænska ríkisstjórnin ákvað 1. mars að leita til æðsta dómstóls Spánar með kröfu um að dómstóllinn ógilti yfirlýsingu sem þjóðernissinnuð héraðsstjórn Katalóníu undir forsæti Arturs Mas setti sem inngang laga sem miða að atkvæðagreiðslu í Katalóníu á næsta ári um stöðu héraðsins gagnvart Spáni.
Ríkisstjórn Spánar og héraðsstjórn Katalóníu deila hart um þann ásetning héraðsstjórnarinnar um að kosið skuli um sjálfstæði Katalóníu. Mariano Rajoy, forsætisráðherra Spánar, segir atkvæðagreiðsluna ólögmæta meðal annars vegna þess að hún njóti ekki stuðnings þings Spánar og brjóti auk þess í bága við stjórnarskrá Spánar.
Ríkisstjórn Spánar ákvað að láta reyna á lögmæti hinnar umdeildu yfirlýsingar Katalóníumanna sem gefin var 23. janúar þar sem héraðinu er lýst sem „fullvalda stjórnmálalegri og lagalegri heild“ en stjórnlagaráð hafði sagt stjórnvöldum að yfirlýsingin bryti að minnsta kosti í bága við fjórar greinar stjórnarskrárinnar.
Soraya Sáenz de Santamaría, aðstoðarforsætisráðherra Spánar, sagði eftir ríkisstjórnarfundinn föstudaginn 8. mars að féllist stjórnlagadómstóllinn á að taka stefnuna á hendur héraðsstjórn Kaatlóníu til meðferðar yrðu þingmenn í Katalóníu að gera hlé að undirbúningi laga um þjóðaratkvæðagreiðslunnar og bíða niðurstöðu dómstólsins.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumEasy-Jet fækkar ferðum London-Moskva um helming
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.