Mótmæli gegn íslam magnast í Þýskalandi - um 15.000 komu saman í Dresden undir merkjum PEDIGA
Um 15.000 manns tóku að kvöldi mánudags 15. desember þátt í mótmælagöngu í Dresden í austurhluta Þýskalands undir merkjum PEDIGA (Patriotischen Europäer gegen die Islamisierung des Abendlandes - Evrópskir ættjarðarvinir til varnar Vesturlöndum gegn íslam). Viku fyrr höfðu 5.000 manns tekið þátt í sambærilegum mótmælum. Hans-Georg Maaßen, yfirmaður öryggisþjónustu Þýskalands, telur hættu á að til átaka komi milli fylgismanna PEDIGA og múslíma í Þýskalandi.
Í Frankfurter Allgemeine Zeitung segir að þátttakendur í mótmælunum séu ekki aðeins frá Dresden heldur komi fólk víða að til að lýsa stuðningi við þennan málstað, meðal annars frá Berlín og Bæjaralandi.
Forystumenn Þýskalands, Joachim Gauck forseti og Angela Merkel kanslari, hafa lýst áhyggjum vegna aukins áhuga á þátttöku almennings í mótmælum undir þessum merkjum. Ralph Jäger, innanríkisráðherra jafnaðarmanna í Nordrhein-Westfalen sgeir mómælendurna „nasista í jakkafötum“. Þeir sem að mótmælunum standa hafna öllum fullyrðingum í þessa veru. Þeir segjast draga skil á milli sín og þeirra sem gripið hafa til aðgerða til að stöðva „hindrunarlausan straum farandfólks“ og berjist gegn hælisleitendum sérstaklega.
Lutz Bachmann, helsti málsvari PEDIGA, sagðist mánudaginn 15. desember hafa klæðst skothelda vestinu sínu til vonar og vara. Hann bauð mótmælendur velkomna „til níundu kvöldgöngunnar gegn trúarstríði og í þágu skoðanafrelsis“. Hann fór illum orðum um stjórnmálamenn og hvatti fylgismenn sína til að halda þeim við efnið annars skildu þeir ekki hvað þjóðinni væri fyrir bestu. Var honum fagnað með þungu lófataki þegar hann sagði stjórnmálamenn fyrir löngu hafa tapað tengslum við grasrótina enda væri þeim sama um kjósendur.
Í fleiri borgum Þýskalands en Dresden hefur fólk tekið sig saman til að mótmæla því sem kallað er Islamisierung Þýskalands, það er auknum áhrifum múslíma. Í Bonn kallar hópurinn sig til dæmis Bodiga. Hafa þessir hópar sett sér sem mark að fara í mótmælagöngu hver á sínum stað vikulega að kvöldi mánudags.
Bj. Bj.
Björn Bjarnason var þingmaður Sjálfstæðisflokksins frá árinu 1991 til 2009. Hann var menntamálaráðherra 1995 til 2002 og dóms- og kirkjumálaráðherra frá 2003 til 2009. Björn var blaðamaður á Morgunblaðinu og síðar aðstoðarritstjóri 1979 til 1991.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumEasy-Jet fækkar ferðum London-Moskva um helming
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
Þáttaskil - hlé á útgáfu Evrópuvaktarinnar
Þriðjudaginn 27. apríl 2010 sá vefsíðan Evrópuvaktin dagsins ljós. Nú er komið að þáttaskilum. Á Evrópuvaktinni hefur verið lögð áhersla á málefni tengd Evrópusambandinu, þróun evrópskra stjórnmála og efnahagsmála auk umræðna hér á landi um þessi mál og tengsl Íslands og Evrópusambandsins. Þá hefu...
Easy-Jet fækkar ferðum London-Moskva um helming
Brezka flugfélagið Easy-Jet hefur fækkað ferðum á flugleiðinni London-Moskva um helming. Ástæðan er minnkandi eftirspurn og að sögn Moskvutíðinda eru önnur alþjóðleg flugfélög að gera hið sama. Farþegum á þessari flugleið hefur fækkað um 20% það sem af er þessu ári samanborið við sama tíma fyrir ári. Ástæðan er staða rúblunnar og versnandi alþjóðleg samskipti vegna deilunnar um Úkraínu.
Pengingaþvætti fyrir alþjóðlega glæpahringi ógnar bankakerfi Andorra
Athygli beinist að bankakerfinu í Andorra um þessar mundir og yfirvofandi hruni þess.
PIMCO: Evrusvæðið á sér ekki framtíð að óbreyttu
Forsvarsmenn PIMCO, stærsta skuldabréfasjóðs heims, segja að evrusvæðið eigi sér ekki framtíð nema evruríkin sameinist í eins konar „Bandaríkjum Evrópu“. Í því felst að sögn Daily Telegraph að aðildarríkin afsali sér sjálfstæði sínu. Talsmaður PIMCO bendir á að veikur hagvöxtur á evrusvæðinu h...