Sunnudagurinn 2. janúar 2011

Stór­fyrirtæki kvarta til framkvæmda­stjórnar ESB vegna Ungverja

Þrettán stór­fyrirtæki í Evrópu hafa hvatt Evrópu­sambandið til að grípa til refsiaðgerða gegn Ungverjalandi fyrir samkeppnishömlur að því er fram kemur á vefsíðu þýska blaðsins Die Welt sunnudaginn 2. janúar. Fyrirtækin sendi José Manuel Barroso, forseta framkvæmda­stjórnar ESB, fimm blaðsíðna bréf 1...

Fyrsta olíuleiðslan milli Rússlands og Kína

Fyrsta olíuleiðslan sem tengir mesta olíuframleiðsluríki heims, Rússland, og ríkið þar sem orkuneysla er mest, Kína, er komin til sögunnar. Leiðslan er frá Síberíu til borgarinnar Daqing í Norðaustur-Kína. Hún mun stórauka olíuviðskipti ríkjanna á skömmum tíma.

Ungverjar taka við forystu í ESB - stjórnar­háttum líkt við Dýrabæ

Ungverjar tóku í fyrsta sinn við pólitískri forystu í Evrópu­sambandinu 1. janúar, þegar þeir settust í forsæti í ráðherraráðum ESB. Viktor Orban, forsætis­ráðherra Ungverjalands, og ríkis­stjórn hans sæta vaxandi gagnrýni vegna nýsettra fjölmiðla­laga í landinu. Tilkynnt hefur verið að framkvæmda­stjór...

Þurfa að afla 900 milljarða evra á næstu mánuðum

Ríkis­stjórnir og bankar í Evrópu þurfa að afla 900 milljarða evra á fjármálamörkuðum á næstu mánuðum að því er fram kemur í Daily Telegraph í dag. Upphæðin skiptist þannig, að bankar þurfa að afla 400 milljarða evra og ríkis­stjórnir 500 milljarða evra. Blaðið hefur eftir bankamönnum, að þetta geti reynzt erfitt og að ný skuldakreppa geti verið í aðsigi í Evrópu.

Uppreisn í þing­flokki Camerons vegna Evrópu­mála

David Cameron, forsætis­ráðherra Breta stendur frammi fyrir uppreisn í eigin þing­flokki vegna Evrópu­mála að því er fram kemur í Daily Telegraph í dag. Uppreisnin beinist að nýrri Evrópu­löggjöf, sem uppreisnarmenn telja, að feli ekki í sér efndir á loforðum um að allt frekara valdaafsal til Brussel verði lagt undir þjóðar­atkvæði í Bretlandi.