Laugardagurinn 15. janúar 2011

Norðmönnum mjög lítið um sameiginlega norræna loftrýmisgæslu frá Íslandi

Benson Whitney, sendiherra Bandaríkjanna í Noregi, lýsti tillögum í Stoltenberg-skýrslunni um samvinnu Norðurlanda í öryggismálum sem „draumi í heimskautaþoku“ en í framkvæmd kynnu þær að gagnast við að „hafa auga með ísbjörnum og Rússum“. Þetta segir sendiherrann í sendiskýrslu frá því í mars 2009 ...

Þorsteinn Pálsson sakar VG um ESB-tvöfeldni - alþingi þurfi að taka af skarið

Þorsteinn Pálsson, fyrrverandi ráðherra, sem situr í viðræðu­nefnd Íslands við ESB segir að „smám saman [sé verið að taka ákvarðanir í viðræðunum sem [séu skuldbindandi fyrir Ísland með fyrirvara um að á endanum verði samkomulag um alla þætti.“

Krugman: Ísland kemur betur út úr kreppunni en Írar og Eystrasaltsríkin

Paul Krugman segir í grein í New York Times í dag, að Íslendingar hafi komið mun betur út úr bankakreppunni en Írar og miklu betur en Eystrasaltsríkin, þegar horft sé til framleiðslu og atvinnu. Ástæðan sé tvíþætt. Annars vegar gengislækkun og hins vegar sú staðreynd, að lánardrottnar íslenzku bankanna hafi verið látnir sitja uppi með tapið.

Búizt við hækkun stýrivaxta í Bretlandi

Daily Telegraph segir í dag að búast megi við hækkun stýrivaxta í Bretlandi í júní en þeir hafa verið óbreyttir, 0,5%, í tvö ár. Ástæðan er sú, að nýjar tölur sýna verulega hækkun á verði hráefnis, sem notað er til framleiðslu. Það á við um hveiti, sykur, málma og olíu. Þessar hækkanir hafa svo aftur leitt til þess að ávöxtunarkrafa á brezkum skulda­bréfum hefur hækkað.

BP og Rosneft taka höndum saman á Norðurslóðum

Brezka olíu­félagið BP og rússneska olíu­félagið Rosneft hafa gert með sér samkomulag um sameiginlega olíuleit á norðurslóðum á svæði sem heyrir undir rússneska lögsögu. Þetta kemur fram á BBC í dag.

Neyðar­sjóður kaupi skulda­bréf evruríkja

Christine Lagarde, fjármála­ráðherra Frakka, hefur lýst sig opna fyrir hugmyndum um að neyðar­sjóður ESB fái heimild til þess að kaupa skulda­bréf evruríkja. Þetta kom fram á blaðamannafundi hennar í gær, föstudag, og sagt er frá í Financial Times. Þessar hugmyndir verða ræddar á fundi fjármála­ráðherra ESB-ríkjanna í Brussel á mánudag.