Miðvikudagurinn 1. júní 2011

Grikkland: Reynt að slökkva eld með því að hella olíu á hann

Samkvæmt fréttum Financial Times í gærkvöldi, virðist Seðlabanki Evrópu hafa fallizt á að skuldir Grikklands við lánardrottna yrðu framlengdar með þeim hætti að fjárfestar, sem eiga grísk ríkisskulda­bréf kaupi ný bréf í staðinn fyrir þau sem komin eru á gjalddaga. Þetta hefur Jurgen Starck, sem sæti á í banka­stjórn Seðlabanka Evrópu staðfest við ítalska dagblaðið Sole 24ore.

Stefnt að samræmdum hælis­reglum og afgreiðslu hælismála innan ESB/Schengen-ríkja

Cecilia Malmström, innanríkismála­stjóri ESB, hefur kynnt nýjar tillögur um að komið verði á fót sameiginlegu kerfi um afgreiðslu á hælisbeiðnum innan ESB/Schengen-svæðisins. Malström segir að hælisleitendur eigi að búa við sömu form­reglur hvar sem þeir leita sér hælis á svæðinu.

Airbus deilir við þýska lög­fræðinga um hvort leggja eigi Airbus 330 þotum

Flugvélaframleiðandinn Airbus telur að mistök flugmanna hafi leitt til þess að Air France flugvél, AF 447 á leið frá Ríó de Janero til Parísar 1. júní 2009, hrapaði í Atlantshaf. Fjölskyldur nokkurra þeirra sem fórust telja hins vegar að líklega hafi verið um tæknilegan galla að ræða. Fulltrúar þeir...

Boða ósæmilegar myndir af Svíakonungi - stjórnar­andstaða vill sannleiks­nefnd

Ósæmilegar myndir af Svíakonungi verða birtar opinberlega innan fárra mánaða, segir eigandi þeirra, Mille Markovic næturklúbbs­eigandi. Hann segist ætla að hraða sér við að ljúka bók sinni, svo að myndirnar af konungi komist fyrir sjónir almennings. Sagt er að myndirnar verði settar á netið þegar ævisaga Markovics birtist.

Bretland: Minni framleiðsla-færri pantanir-pundið lækkar

Nýjar tölur um framleiðslustarfsemi í Bretlandi benda til þess að mjög hafi hægt á framleiðslu þar í landi. Gengi sterlingspundsins hefur lækkað í kjölfar þeirra frétta að sögn Daily Telegraph í morgun.

Danskur jafnaðarmannaforingi sætir ámæli fyrir bílaviðskipti sín

Helle Thorning-Schmidt, formaður danskra jafnaðarmanna, sætir nú gagnrýni fyrir að aka á bíl sem keyptur er á kaupleigu í Þýskalandi en þannig sparar hún 6% í virðisaukaskatt, sá skattur er lægri í Þýskalandi en Danmörku.

Atvinnuleysi á Írlandi 14,8%

Atvinnuleysi á Írlandi er nú komið í 14,8% að sögn Irish Times.

Meiri bjartsýni um björgun Grikklands

Meiri bjartsýni ríkir nú um að samkomulag náist um frekari björgunaraðgerðir fyrir Grikkland að sögn New York Times í morgun. Er jafnvel búizt við tilkynningu þar um á föstudag eða fljótlega eftir helgi.