Laugardagurinn 19. nóvember 2011

Stofnanir ESB fá 2% fjárlagahækkun 2012 vildu 5%

Stofnanir Evrópu­sambandsins hafa verið neyddar til að sætta sig við 2% hækkun á fjárlögum næsta árs. Af hálfu stofnananna hafði verið óskað eftir um 5% hækkun. Nokkrar ríkis­stjórnir ESB-landa höfðu mótmælt kröfum ESB-þingsins og framkvæmda­stjórnar­innar sem „óraunhæfum“ á tímum niðurskurðar.

Norðurljósastríð Finna og Norðmanna harðnar vegna alþjóða­athygli

Barátta Norðmanna og Finna um norðurljósin harðnar. Per Arne Tuftin, ferðamála­stjóri í Innovasjon Norge, hefur snúist harkalega til varnar gegn ferðakynningu Finna í bæklingnum Visit Finland þar sem lögð er áhersla á að norðurljósin séu finnsk.

John Major: „Bretlandseyjaskatturinn“ hitasækin eldflaug stefnt að London

Sir John Major, fyrrum forsætis­ráðherra Breta, sem nú er einn af ráðgjöfum Camerons í utanríkis­málum, líkti í gær hugmyndum Þjóðverja o.fl. um sérstakan skatt á fjármagnstilfærslur við hitasækna eldflaug, sem send væri á loft á meginlandi Evrópu og skotmark hennar væri London eða öllu heldur fjármál...

Schauble: Bretar munu taka upp evru - og fyrr en þeir sjálfir gera sér grein fyrir

Wolfgang Schauble, fjármála­ráðherra Þýzkalands, sagði í gær í tilefni af heimsókn Camerons til Berlínar, að Bretar mundu á endanum taka upp evru og fyrr en fólk á Bretlandseyjum gæti ímyndað sér. Schauble sagði, að evran mundi lifa af og ná stöðugleika. Þá mundu ríki, sem standa utan við evru­samstarfið sjá sér hag í því að taka þátt.

Evrópskir markaðir lækkuðu í gær

Evrópskir markaðir lækkuðu i gær en bandarískir voru tvístígandi. Dow hækkaði um 0,22% en Nasdaq lækkaði um 0,60%. London lækkaði hins vegar í gær um 1,11%, Frankfurt um 0,85% og París um 0,44%. Síðustu tölur frá Asíu fyrir helgi voru lækkun í Hong Kong um 1,73% og Japan um 1,23%.