Fimmtudagurinn 5. apríl 2012

Sarkozy lofar jöfnuði í ríkisfjármálum árið 2016 - ætlar að frysta framlög til fjárlaga ESB - hefur náð forskoti í fyrri umferðinni

Nicolas Sarkozy kynnti fimmtudaginn 5. apríl efnahags­stefnu sína nái hann endurkjöri sem forseti Frakklands í kosningunum eftir tæpar þrjár vikur. Hann lofaði niðurskurði í ríkisútgjöldum og nýju stjórnar­skrárákvæði (gull-reglu eða skuldabremsu) um jöfnuð í ríkisfjármálum. Þá hét að því að frysta fj...

Xinhua: Huang Nubo fjárfestir í ferðamannastað í Kína eftir að hafa verið hafnað á Íslandi

Huang Nubo hefur tryggt sér samning sem heimilar honum að reisa umhverfisvænan ferðamannastað í skóglendi í suðvestur hluta Kína segir í frétt Xinhua –fréttastofunnar fimmtudaginn 5. apríl. Tekið er fram í fréttinni að þennan samning hafi hann gert eftir að honum misheppnaðist að kaupa land á Ísland...

El País: Traust fjármála­markaða á Spán dvínandi

Spænska dagblaðið El País segir í morgun að traust fjármála­markaða til Spánar hafi dvínað eftir skulda­bréfaútboðið í gær. Spánverjar ætluðu að selja allt að 3,5 milljarða evra en tilboð kom í 2,6 milljarða evra. Ávöxtunarkrafan var sú hæsta frá því í nóvember. Hluta­bréf féllu í verði á Spáni í gær og evran lækkaði gagnvart dollar.

Írland: Háskóla­menn tregir til að fallast á launalækkun

Ruairi Quinn, menntamála­ráðherra Írlands gagnrýnir hálaunafólk í röðum háskóla­manna fyrir að taka ekki á sig sjálfviljugir launalækkun. Ráðherrann sendi bréf til stjórnenda háskóla á síðasta ári þar sem hann hvatti til þess að þeir, sem hefðu meira en 200 þúsund evrur á ári í laun (um 34 milljónir króna) féllust á að taka á sig launalækkun.

Frakkar boða harðari stefnu innan ESB nái Sarkozy endurkjöri

Alain Juppe, utanríkis­ráðherra Frakklands boðar harðari stefnu Frakka innan ESB nái Sarkozy endurkjöri. Forsetinn hefur gefið til kynna, að Juppe verði næsti forsætis­ráðherra Frakklands nái hann kjöri. Juppe segir tíma til kominn að Evrópa verði Evrópa með landamæri en Frakkar hafa hótað úrsögn úr Schengen verði ekki tekið fast á málum. Þeir segja, að landamæri Grikklands og Tyrklands séu lek.

Aþena: Benzínsprengjur og táragas í kjölfar sjálfsvígs

Benzínsprengjum var kastað í Aþenu í gærkvöldi og táragasi beitt í átökum á milli mótmælenda og lög­reglu. Átökin brutust út í kjölfar á sjálfsvígi 77 ára gamals manns, sem skaut sig á Syntagma-torgi í gærmorgun. Hann skildi eftir bréf, þar sem hann sagði að ríkis­stjórnin hefði eyðilagt þann eftirlauna­sjóð, sem hann sjálfur hefði byggt upp á 35 árum og enginn annar borgað til.

Setur ESB löndunarbann á Ísland vegna makrílveiða?

Sjávar­útvegs­nefnd Evrópu­þingsins ákveður í þessum mánuði hvort gripið verður til víðtækari aðgerða vegna veiða sem ekki teljast sjálfbærar og þá jafnvel að löndunarbann verði sett á allar sjávar­afurðir frá ríkjum, sem að mati ESB stunda slíkar veiðar. Evrópu­sambandið telur makrílveiðar Íslendinga til slíkra veiða.