Föstudagurinn 11. maí 2012

François Hollande á hvorki bíl né hluta­bréf - ekki eins ríkur og Sarkozy

François Hollande, verðandi forseti Frakklands, á hvorki bíl né hluta­bréf. Hann er þó ekki á flæðiskeri staddur samkvæmt skýrslu um einkafjármál hans.

BBC: Margt bendir til að spænska bankakerfið sigli í kjölfar hins írska - þanþol skattgreiðenda til að bjarga bönkum er tak­markað

Spænska ríkis­stjórnin ætlar að neyða banka landsins til að auka eigið fé sitt um 30 milljarða evra til að styrkja innviði sína vegna vanskila skuldunauta þeirra. Bankarnir verða annað hvort að styrkja stöðu sína með sölu á hlutafé eða með lánum frá ríkinu sem veitt verða með 10% vöxtum.

China Daily: Tilfinningar Huangs í garð Íslendinga virðast hafa hlýnað eftir að vinna hófst við samninginn að nýju.

China Daily birtir langa frásögn um samskipti Huangs Nubos við Íslendinga föstudaginn 11. maí og ræðir meðal annars við Kristínu Árnadóttur, sendiherra Íslands í Kína, sem segir að erlendir menn utan evrópska efnahags­svæðisins hafi fengið undanþágur til að eignast og ráða yfir fasteignum á Íslandi...

BarentsObserver: Hægari framganga gróðurs til norðurs en áður var talið

Vísindamenn hafa nú endurmetið framgang gróðurs til norðurs að því er fram kemur í BarentsObserver og hann er ekki eins hraður og áður var talið. Áður var áætlað að skógar færðust norðar um tvo kílómetra á ári vegna hlýnandi loftslags en nú er komið í ljós í Finnmörku að þessi hreyfing er um 100 metrar á ári.

Þýzkaland: Kosið í NRW á sunnudag

Á sunnudag fara fram kosningar til fylkisþings Nordrhein-Westfalen eins „landa“ þýzka sambandslýðveldisins.

Talsmaður Hollande: Frakkar staðfesta ekki ríkisfjármálasamninginn án breytinga

Talsmaður Francois Hollande, hins nýkjörna forseta Frakklands hefur gefið til kynna, að fallist Þjóðverjar ekki á einhverjar breytingar á ríkisfjármálasamningnum muni Frakkar ekki staðfesta hann. Þetta kemur fram í Daily Telegraph í dag, sem túlkar þessi ummæli, sem hótun Hollande í garð Þjóðverja.

Spánn: Ríkis­stjórnin kynnir viðamiklar aðgerðir vegna bankanna í dag

Gert er ráð fyrir að spænska ríkis­stjórnin kynni tillögur um endur­skipulagningu spænska bankakerfisins í dag að því er fram kemur á Reuters í morgun. Erfiðar viðræður hafa staðið síðustu daga á milli stjórnvalda og bankanna. Kjarninn í þessum tillögum er að bankarnir færi „eitruð“ útlán yfir í sérstök eignar­haldsfélög, sem mundu síðar selja þær eignir.

Möguleiki að opnast á þriggja flokka stjórn í Grikklandi?

Svo virðist sem samtal Evangelos Venizelos, leiðtoga PASOK, flokks sósíalista í Grikklandi og Fotis Kouvelis, leiðtoga Lýðræðislega vinstri flokksins síðdegis í gær hafi opnað einhverja möguleika á myndun ríkis­stjórnar í Grikklandi. Venizelos hittir Antonis Samaras á fundi í dag.