Fimmtudagurinn 28. júní 2012

Vaxta­svindl á vegum æðstu stjórnenda Barclays-banka í aðdraganda fjármálakreppunnar afhjúpað - krafist afsagnar for­stjóra bankans

Komið hefur ljós að stjórnendur Barclays banka beittu blekkingum til að ákvarða Libor-vexti í millibankaviðskiptum. Hefur bankinn verið sektaður um 290 milljónir punda eftir að rannsókn á viðskiptum nokkurra stórbanka leiddi í ljós að þeir hafa lagað Libor-vexti að eigin hagsmunum.

Tyrkir vígbúast við landamæri Sýrlands

Tyrkir hafa sent hermenn og vígtól að landamærum Sýrlands og ýtt undir spennu milli nágrannaríkjanna.

ESB-leiðtogar koma saman í Brussel - leitast við að gera lítið úr ágreiningi - óttast dómínó-áhrif frá Spáni og Kýpur

Leiðtogar ESB-ríkjanna komu saman til tveggja daga fundar fimmtudaginn 28. júní í Brussel og lögðu sig fram um að gera sem minnst úr ágreiningi sem sagður er ríkja í röðum þeirra vegna skuldavandans á evru-svæðinu. „Á þessum fundi verða teknar mikilvægar ákvarðanir,“sagði Herman Van Rompuy, forseti ...

London: Lög­reglan sendir kvaðningu vegna framsals Assange í sendiráð Ekvador

Julian Assange, stofnandi Wikileaks, er í sendiráði Ekvador í London þar sem hann hefur leitað skjóls til að komast hjá því að verða framseldur frá Bretlandi til Svíþjóðar til að svara til saka vegna ásakana um kynferðislegt ofbeldi gagnvart tveimur konum.

Noregur: Odd Nerdrum fékk lengri fangelsisdóm í áfrýjunarrétti vegna skattsvika - varð íslenskur ríkisborgari árið 2003

Áfrýjunardómstóll í Noregi hefur dæmt myndlistarmanninn Odd Nerdrum (68 ára) í tveggja ára fangelsi fyrir skattssvik. Dómstóllinn taldi að hann hefði selt listaverk erlendis fyrir 14 milljónir NKR (280 m ISK) á árunum 1998 til 2002 án þess að gefa tekjurnar upp til skatts í Noregi. Héraðsdómstóll í Ósló dæmdi Nerdrum í ágúst 2011 í tveggja ára fangelsi.

Írar leggja áherzlu á tilslökun vegna bankaskulda

Enda Kenny, forsætis­ráðherra Írlands mun leggja áherzlu á kröfu Íra um tilslökun á bankaskuldum landsins á leiðtogafundi ESB-ríkja, sem hefst í dag. Þetta kemur fram í Irish Times í dag. Írar hafa misserum saman barizt fyrir því að fá lækkun á skuldum, sem írska ríkið yfirtók að kröfu ESB og Seðlabanka Evrópu til að koma í veg fyrir að eigendur skulda­bréfa írskra einkabanka yrðu fyrir tjóni.

Ítalska þingið samþykkir umdeildar umbætur á vinnulöggjöf

Ítalska þingið hefur samþykkt umdeildar umbætur á vinnulöggjöf landsins eftir margra mánaða umræður og segir Finacial Times í morgun að sú samþykkt styrki stöðu Mario Monti á leiðtogafundi ESB-ríkjanna í dag. Kjarninn í þessum aðgerðum er að auðvelda fyrirtækjum að segja upp fólki en jafnframt að greiða fyrir ráðningu ungs fólks til starfa.

Spánn: Ávöxtunarkrafan yfir 7% í morgun-Ítalía í hyldýpi segja atvinnurekendur

Ávöxtunarkrafan á 10 ára skulda­bréf Spánar fór í morgun, fyrst upp í 6,99% og svo yfir 7% að sögn Daily Telegraph. Samtök atvinnurekenda á Ítalíu, Confindustria, segir að Ítalía sé í hyldýpi og ástandið jafn slæmt og ef ríkið stæði í stríði.

Reuters: Mesta sundrung meðal leiðtoga ESB í þrjú ár

Leiðtogar Evrópu­sambandsríkjanna koma saman til tveggja daga fundar í Brussel í dag. Fundurinn hefst kl.