Þriðjudagurinn 7. ágúst 2012

Der Spiegel tilnefnir 10 „hættulegustu“ stjórnmálamenn Evrópu

Þýska vikurritið hefur tilnefnt 10 „hættulegustu“ stjórnmálamenn Evrópu. Þeir eru: Silvio Berlusconi, fyrrv. forsætis­ráðherra Ítalíu. Markus Söder, fjármála­ráðherra Bæjaralands. Marine le Pen, leiðtogi Þjóðfylkingarinnar í Frakklandi. Timo Soini, formaður Sannra Finna. Alexander Dobrindt, framkvæmda­stjóri CSU í Bæjaralandi.

Juncker segir brottför Grikkja af evru-svæðinu „viðráðanlega“ - AGS krefst þess að evru-ríki afskrifi skuldir Grikkja

Jean-Claude Juncker, formaður ráðherraráðs evru-ríkjanna, evru-hópsins, hefur nú bæst í hóp þeirra sem vekja máls á hugsanlegum viðskilnaði Grikkja við evruna.

Noregur: Melludólgar hagnast á lögum um refsivæðingu vændis

Rannsóknir í Noregi sýna að eftir að lög um að refsivæða vændiskaup voru sett árið 2009 eru melludólgar umsvifameiri í landinu en áður og vændisstarfsemi sé skipulögð í tengslum við mansal. Fyrir gildistöku laganna árið 2009 var vændis­markaðurinn í Noregi opnari og óskipulagðari en annars staðar í Evrópu. Konur stofnuðu sjálfar til viðskipta í húsnæði sem þær áttu eða tóku á leigu.

Finnland: Síldarkvótinn í Eystrasalti nánast að fullu veiddur

Síldarkvótinn í Eystrasalti er að fullu veiddur á þessu ári að sögn Helsingin Sanomat. Frekari síldveiðar hafa verið bannaðar nema nyrzt. Síldaraflinn varð svo mikill á fyrstu mánuðum ársins að ekki eru lengur til kvótar. Ein af ástæðunum fyrir því hve vel hefur veiðst er að ís hefur ekki hamlað veiðum.

El Pais: Bjartsýni í Madrid um að Spánn leiti eftir neyðarláni

Spænska dagblaðið El Pais segir að bjartsýni virðist ríkja á fjármála­markaði á Spáni um að ríkis­stjórnin muni leita formlega eftir neyðarláni til ESB/AGS/SE og til marks um það sé hækkun á markaði í Madrid í gær. Blaðið segir að ríkis­stjórnin hafi enga vísbendingu gefið um hvenær húni muni leita aðstoðar hjá EFSF en í frétt blaðsins virðist gengið út frá því að svo verði.

AGS hvetur til tilslökunar gagnvart Grikklandi

Alþjóða gjaldeyris­sjóðurinn leggur nú að evruríkjunum að slaka á lánaskilmálum gagnvart Grikklandi. Frá þessu segir gríski vefmiðillinn ekathimerini og byggir á fréttum Wall Street Journal.

Fjármála­eftirlit NY sakar Standard Chartered um að vera svindl­fyrirtæki-Hrun í verði hluta­bréfa í morgun

Enn einn brezkur banki, Standard Chartered Plc. er kominn í deilur við bandarísk stjórnvöld og er bankinn sakaður um að vera eins konar svindl­fyrirtæki (rogue institution) sem hafi falið 250 milljarða dollara í fjárhagslegum tilfærslum, sem tengist Íran og séu brot á bandarískum lögum.