Sunnudagurinn 7. október 2012

Odd Nerdrum snýst til varnar gegn norskum skattayfirvöldum - ný gögn í málinu styrkja málstað hans

Odd Nerdrum (68 ára), listmálari í Noregi sem er bæði norskur og íslenskur ríkisborgari, hefur aflað nýrra skjala um skattaskil sín með aðstoð Dagbladets í Osló. Blaðið birti 10 síðna úttekt um nýju gögnin og málaferlin gegn honum á dögunum. Skjölin eru talin leiða í ljós að Nerdrum hafi verið rangindum beittur.

David Cameron: Segi hiklaust nei við slæmum ESB-fjárlögum - boðar tvenn ESB-fjárlög

David Cameron, forsætis­ráðherra Breta, segir að hann muni beita neitunarvaldi gegn nýjum fjárlögum ESB telji hann það „nauðsynlegt“. Viðræður um fjárlög ESB fyrir árabilið 2014 til 2020 eru að hefjast. Þetta kom fram í samtali Camerons við Andrew Marr í BBC sunnudaginn 7. október og þar gaf hann ei...

Leyniþjónustur Norðmanna og Dana segja stórauknar njósnir á Norðurslóðum

Leyniþjónustur Norðmanna og Dana verða varar við stóraukna njósnastarfsemi á norðurslóðum. Jakob Scharf, forstöðumaður PET, dönsku leyniþjónustunnar sagði Berlingske Tidende að um verulega aukningu njósnastarfsemi væri að ræða á norðurslóðum og Martin Bernsen frá PST, norsku leyniþjónustunni segir við Aftenposten, að hann geti staðfest þetta mat dönsku leyniþjónustunnar.

Madrid: Nokkur þúsund gengu um götur í gær og mótmæltu

Nokkur þúsund manna gengu um miðborg Madrid í gær til þess að mótmæla aðhaldsaðgerðum, sem fólkið sagði mundu leiða til niðurskurðar á heilbrigðisþjónustu og einkavæðingu opinberrar þjónustu. New York Times segir að margir í hópi mótmælenda hafi verið opinberir starfsmenn, sem standi frammi fyrir frystingu launa á næsta ári.

Moody´s: Portúgal þarf aðstoð lengur en ætlað var

Bandaríska lánshæfismats­fyrirtækið Moody´s, telur að Portúgal verði að gera ráð fyrir lengri tíma en þremur árum til þess að koma lánaskilmálum vegna neyðarlánsins til Portúgal í framkvæmd. Því veldur veik staða efnahagslífsins og mikil andstaða heima fyrir við aðhaldsaðgerðir. Moody´s telur skv.

Bretland: Verkamanna­flokkur með 11 prósentustiga forskot á Íhalds­flokk

Ný skoðanakönnun brezka sunnudagsblaðsins The Observer, sýnir að um 31% kjósenda hyggjast nú kjósa Verkamanna­flokkinn en 20% Íhalds­flokkinn og 9% Frjálslynda. Þar með er munurinn á Verkamanna­flokknum og Íhalds­flokknum kominn í 11 prósentustig. Þessi könnun er birt sama dag og landsþing Íhalds­flokksins hefst í Birmingham.