Fimmtudagurinn 5. desember 2013

Danski flotinn semur um þriðja sérsmíðaða eftirlitsskipið

Danski flotinn býr sig undir að skrifa undir smíðasamning um þriðja eftirlitsskipið sem einkum er ætlað til siglinga á norðurslóðum.

NSA fylgist með farsímum um heim allan

Þjóðaröryggis­stofnun Bandaríkjanna (NSA) safnar daglega nærri fimm milljörðum skrásetninga um hvar finna megi farsíma á víð og dreif um heimsbyggðina.

Lúxemborg: Juncker hverfur úr embætti forsætis­ráðherra eftir 19 ára setu

Xavier Bettel hefur tekið við embætti forsætis­ráðherra í Lúxemborg af Jean-Claude Juncker sem setið hafði lengst allra innan ESB sem forsætis­ráðherra, í 19 ár.

Kanadamenn með 656.000 fermílna landgrunnskröfu í Norður-Íshafi

Frestur Kanada­stjórnar til að setja fram kröfur við landgrunns­nefnd Sameinuðu þjóðanna um yfirráð yfir hafsbotni utan 200 sjómílna rennur út föstudaginn 6. desember. Talið er líklegt að gerð verði krafa af hálfu Kanada um eignar­hald á allt að 656.000 fermílum af langrunni utan 200 mílnanna í Norður-...

Finnland: Rætt um járnbrautarsamgöngur frá Lapplandi til Noregs eða Rússlands

Nú er rætt um að byggja upp járnbrautarsamgöngur frá Lapplandi til hafnar annað hvort í Noregi eða í Rússlandi. Talið er að slík járnbrautartenging frá Rovaniemi í Finnlandi til Kirkenes í Noregi mundi kosta um 3,2 milljarða evra. Í Lapplandi eru miklar járngrýtisnámur og nýjar námur eru í undirbúningi um 150 kílómetra frá Rovaniemi. Vegalengdin þaðan til Kirkenes er um 520 kílómetrar.

Svíar hjálpa NSA við upplýsinga­öflun um Rússland

Svíar hafa hjálpað bandarísku njósna­stofnuninni NSA við að safna saman upplýsingum um Rússland skv. því sem fram kemur í skjölum, sem Edward Snowden hefur komið á framfæri. Upplýsingum sem sænska leyniþjónustan hefur safnað um rússneska stjórnmálamenn hefur verið komið í hendur Bandaríkjamanna.

Frakkland: Verkfall kennara leiðir til lokunar flestra grunnskóla í dag

Um helmingur grunnskóla í Frakklandi er lokaður í dag vegna verkfalls kennara. Verkfallið beinist að umdeildum umbótum í skóla­kerfinu. Kennarar vilja að stjórnvöld dragi þær hugmyndir til baka. Samtök kennara telja að um fjórir af hverjum tíu kennurum taki þátt í aðgerðunum, sem hafa leitt til þess að flestir skólar hafa lokað eða eru með mjög tak­markaða starfsemi.

Finnar vilja leiðtogafundi Norðurskautsráðs og sérstakan sáttmála um starfsemi þess

Finnar vilja styrkja stöðu Norðurskautsráðsins (Arctic Council) með því að efna til leiðtogafundar þeirra ríkja, sem að því standa en fram að þessu hafa það verið utanríkis­ráðherrar aðildarríkjanna, sem hafa haldið fundi og rætt um framtíðarmál norðurslóða. Þetta kom fram í ræðu, sem Jyrki Katainen, forsætis­ráðherra Finnlands, fluttií fyrradag.