Sunnudagurinn 27. apríl 2014

Vangaveltur um að refsiaðgerðum verði beint gegn auðæfum Pútíns - leitinni að eignum hans er ekki lokið

Orðrómur um ríkidæmi Vladmírs Pútíns Rússlandsforseta hefur ekki verið staðfestur en The New York Times (NYT) segir sunnudaginn 27. apríl að tölurnar sem nefndar séu spanni bilið frá 40 milljörðum til 70 milljarða dollara. Eigi þetta við rök að styðjast sé hann auðugasti þjóðar­leiðtogi mannkynssögun...

Katalónía leitar stuðnings annarra þjóða við sjálfstæði

Stjórnvöld í Katalóníu á Spáni hafa nú opnað vefsíður á ensku, frönsku og þýzku og er markmiðið að auka stuðning í öðrum löndum við sjálfstæði Katalóníu. Spænska dagblaðið El País,segir að á vefsíðunni segi að sjálfstæðis­barátta Katalóníu snúist ekki um almenna pólitík heldur endurspefgli hún vilja fólksins í Katalóníu.

Bretland: Kornbretar fá viðurkenningu sem sjálfstætt þjóðar­brot

Gömul þjóð, sem býr á suðvesturodda Bretlands og telur um 540 þúsund manns, hefur nú fengið viðurkenningu evrópskrar stofnunar sem sérstakt þjóðar­brot. Þetta er fólkið sem býr á Cornwall, sem skv. Wikipedíu var kallað Kornbretaland í gömlum íslenzkum bókum. Alaska Dispatch, sem segir frá þessu segir að Kornbretar hafi misst sjálfstæði sitt fyrir 1000 árum.

Svíar auka framlög til hermála um 12% á næstu tíu árum

Svíar ætla að auka framlög til hernaðarmála um 5,5 milljarða sænskra króna í áföngum. Peningarnir koma aðallega frá niðurskurði á framlögum til umhverfismála og á kostnaði vegna samstarfs um kjarnorkumál við Rússa. Frá þessu segir Barents Observer. Ástæðan er sú aukna hætta sem sænska ríkis­stjórnin telur Svía standa frammi fyrir vegna Úkraínumálsins. Þessi aukning kemur fram á næstu 10 árum.